Əlamətlər
- Keyimə və qarışqa gəzməsi hissi: baş, şəhadət, orta barmaqda və adsız barmağın baş barmaq tərəfdəki yarısında
- Ağrı: biləkdən ön qola, bəzən dirsəyə qədər yayıla bilər
- Zəiflik: əşyaları əldən salmaq, düymə bağlamaq kimi incə işlərdə çətinlik
- Əlamətlərin gecə artması, əli silkələdikdən sonra yüngülləşməsi
Risk amilləri
Biləyin təkrarlanan hərəkətləri, hamiləlik, şəkərli diabet, qalxanabənzər vəzin funksiyasının azalması, revmatoid artrit.
Diaqnoz
Həkim klinik müayinə aparır. Sinirin zədələnmə dərəcəsini müəyyən etmək üçün elektroneyromioqrafiya (ENMQ) təyin edilə bilər.
Konservativ müalicə
- Gecələr biləyi neytral vəziyyətdə saxlayan şina
- Biləyə yük salan fəaliyyətlərin dəyişdirilməsi, iş yerinin erqonomikası
- Sinir və vətər sürüşmə məşqləri (sübutlar məhduddur, fərdi seçilir)
- Həkimin qərarı ilə kortikosteroid inyeksiyası
- Əlamətlər ağırdırsa və ya irəliləyirsə, cərrahi müalicə
Nə vaxt tez həkimə getməli?
Keyimə daimi olubsa, baş barmağın dibindəki əzələ nazikləşibsə və ya əldə güc nəzərəçarpacaq dərəcədə azalıbsa.
Mənbələr
- American Academy of Orthopaedic Surgeons. Management of Carpal Tunnel Syndrome — Evidence-Based Clinical Practice Guideline.
- NICE Clinical Knowledge Summaries: Carpal tunnel syndrome.
